Beauty queen Angelina Jolie's Adopted another two childs

ప్రపంచవ్యాప్తంగా ఎంతోమంది కుర్రకారు హృదయాలకు గిలిగింతలు పెట్టే అందగత్తెల్లో ఒకరుగా పేరున్న హాలీవుడ్‌ స్టార్‌ ఏంజెలీనా జోలీ ఇప్పటికే ఆరుగురు పిల్లల తల్లి. ఇందులో ముగ్గురు ఆమె కన్న బిడ్డలు కాగా, ముగ్గురిని దత్తత తీసుకుంది. తాజాగా ఏంజెలినా జోలి, బ్రాడ్‌పిట్‌లు మరో ఇద్దరు పిల్లలు కావాలని నిర్ణయించుకున్నట్లు బ్రిటన్ ఆన్‌లైన్ పత్రిక 'సన్' ఒక కథనాన్ని ప్రచురించింది. 

ప్రస్తుతం మధ్యప్రాచ్యంలో సిరియా కాందిశీకులను కలవనున్న 38 ఏళ్ల ఏంజెలినా.. జోర్డాన్‌కు చెందిన ఒక చిన్నారి పాపను దత్తత తీసుకోవాలని భావిస్తున్నట్లు ఆ పత్రిక పేర్కొంది. సిరియా ప్రజల దుస్థితి చూసి చలించిన జోలి తనవంతు సాయంగా ఈ నిర్ణయం తీసుకున్నారని తెలిపింది. ఆ ప్రాంతానికి చెందిన చిన్నారిని దత్తత తీసుకోవటం వల్ల మీడియాలో ప్రచారం జరిగి ప్రపంచానికి తెలుస్తుందని ఆమె భావిస్తున్నట్లు వివరించింది. 

ఈ దత్తత బిడ్డ కాకుండా.. మరొక బిడ్డను కనాలని కూడా జోలీ, బ్రాడ్‌‌పిట్‌ దంపతులు అనుకున్నారట. ఇప్పటికే ముగ్గురిని కన్న వీరు త్వరలో పెళ్లి చేసుకోవాలనుకుంటున్నారు. ప్రస్తుతం నాలుగో బిడ్డను కనే ప్రయత్నాల్లో ఉన్నారట.