Nara Rohith New Untitled Movie has been started yesterday in Filmnagar Hyderabad

నారా రోహిత్‌ హీరోగా నిర్మాత జె.సాంబశివరావు నిర్మిస్తున్న ప్ర్రొడక్షన్‌ నెం-2 చిత్రం ఈ రోజు ఉదయం ప్రారంభమైంది. సుధాసినిమాస్‌ పతాకంపై తెరకెక్కే ఈ సినిమా ద్వారా పశాంత్‌ మండవ దర్శకుడుగా పరిచయమవుతున్నాడు. రోహిత్‌ సరసన శుభ్ర అయ్యప్ప జోడి కడుతోంది. ఫిలింనగర్‌ దైవ సన్నిధానంలో ఈ చిత్ర పూజా కార్యక్రమాలు నేడు జరిగాయి.

నేటి నుంచే రెగ్యులర్‌ షూటింగ్‌ను చేస్తున్నారు. లవ్‌,యాక్షన్‌ ఎంటర్‌టైనర్‌గా తెరకెక్కే ఈ పక్కా కమర్షియల్‌ చిత్రం రోహిత్‌ కెరీర్‌లో ఓ ఉత్తమ సినిమాగా నిలుస్తుందని నిర్మాత తెలిపారు.

విష్ణు, కోటశ్రీనివాసరావు, జయప్రకాష్‌రెడ్డి, గిరిబాబు, రంగనాధ్‌ ,రావు రమేష్‌, రఘుబాబు, తెలంగాణా శకుంతల, ప్రగతి తదితరులు నటిస్తున్న ఈ చిత్రానికి సంగీతం: సాయికార్తీక్‌, సినిమాటోగ్రఫి: చిట్టిబాబు, కూర్పు: నందమూరి హరి, ఆర్ట్‌: బాబ్జీ, నిర్మాణ-నిర్వహణ: అక్కినేని శ్రీనివాసరావు. కధ-స్క్రీన్‌ప్లే-మాటలు : ఆనంద్‌ రవి.