ఊటీలో ముగిసిన శ్రీను వైట్ల స్క్రిప్ట్ వర్క్

‘దూకుడు’ లాంటి బ్లాక్ బస్టర్ సినిమా తరువాత మరోసారి సూపర్ స్టార్ మహేష్ బాబు , సక్సెస్ ఫుల్ డైరెక్టర్ శ్రీను వైట్ల కలిసి పనిచెయ్యనున్నరు. ఈ సినిమాకు ‘ఆగడు’ అనేది టైటిల్ . ఈ సినిమాలో మహేష్ సరసన టాలీవుడ్ మిల్కీ బ్యూటీ తమన్నా హీరోయిన్ గా నటిస్తుంది . ఈ సినిమా యొక్క స్క్రిప్ట్ పనులకోసం శ్రీను వైట్ల తన సహ రచయిత గోపీ మోహన్ బృందంతో కలిసి ఊటి వెళ్ళాడు. ఆ పనులు ఈ రోజుతో ముగిసాయి. ఊటీలో చివరి రోజని వారి బృందంతో కలిసి దిగిన ఫోటోతో ట్వీట్ చేసాడు మన శ్రీను వైట్ల . ఈ ట్వీట్ కు మరో దర్శకుడు హరీష్ శంకర్ అసల ‘ఆగద్దు’ అని రిప్లై ఇవ్వడం మరో విశేషం . ‘దూకుడు’ వంటి సూపర్ హిట్ సినిమా తరువాత వస్తుండడంతో ఈ సినిమాపై భారీ అంచనాలే ఉన్నాయి. ఈ చిత్రాన్ని అనీల్ సుంకర, గోపీచంద్, రామ్ ఆచంట లు 14రీల్స్ ఎంటర్టైన్మెంట్స్ బ్యానర్ పై నిర్మిస్తున్నారు. మరిన్ని వివరాలు త్వరలోనే వెల్లడిస్తారు.