Hero Manchu Manoj has doing another job as singer

కథానాయకుడు మంచు మనోజ్ స్వయంగా ఆలపించిన పాట ఒకటి ఇప్పుడు యూట్యూబ్‌లో హల్‌చల్ చేస్తోంది. 'ప్యార్ మే పడిపోయామే' అంటూ సాగే ఆ పాటను కన్నడంలో గురుకిరణ్ స్వరపరచిన ఓ పాపులర్ సాంగ్ ఆధారంగా తయారుచేశారు. తనే హీరోగా రూపొందుతున్న 'పోటుగాడు' సినిమా కోసం ఈ పాటను ఆలపించారు మనోజ్. తెలుగు, ఉర్దూ, హిందీ పదాలతో ఈ పాటను రూపొందించారు. 'కృష్ణార్జున' చిత్రం తర్వాత ఆయన పాడిన సినిమా ఇదే. రామలక్ష్మీ సినీ క్రియేషన్స్ పతాకంపై లగడపాటి శ్రీధర్, శిరీష నిర్మిస్తున్న ఈ చిత్రానికి పవన్ వడయార్ దర్శకుడు. సాక్షి చౌదరి, సిమ్రన్‌కౌర్ మండి, రేచల్ వీజ్, అనుప్రియ గోయెంకా నాయికలు. నిర్మాతలు మాట్లాడుతూ "మనోజ్ పాడిన పాటకు అనూహ్యమైన స్పందన వచ్చింది. వచ్చే నెలలో పాటల్ని విడుదల చేస్తాం. ఈ చిత్రానికి సంబంధించి మరో రెండు పాటల్ని చిత్రీకరించాల్సి ఉంది'' అని తెలిపారు.