Rajmouli Team has ready to go for Bahubali First Schedule

రాజమౌళి సినిమాలలో పోరాట సన్నివేశాలంటే ఆయుధాలు లేకుండా ఉండవు. రాజమౌళి తన ప్రతీ సినిమాలోను ప్రత్యేక ఆయుధాలు తయారుచేసి వాటితో పోరాట సన్నివేశాలు రూపొందిస్తుంటారు. అయితే ప్రస్తుతం రాజమౌళి తీస్తున్న బహుబలి సినిమా కోసం రకరకాల ఆయుధాలు డిజైన్ చేయిస్తున్నాడట. 'సింహాద్రి'లో ఎన్టీఆర్‌కూ, 'ఛత్రపతి'లో ప్రభాస్‌కూ, 'మగధీర'లో రామ్ చరణ్‌కు రకరకాల ఆయుధాలు ఇచ్చి, ఆ సినిమాలను సూపర్ హిట్ చేశాడు రాజమౌళి.

రాజమౌళి దర్శక సారథ్యంలో ప్రభాస్ హీరోగా, రానా ప్రతినాయకుడిగా నటిస్తున్న బహుబలి సినిమా షూటింగ్ ఆలశ్యానికి ఈ ఆయుధాల డిజైనింగ్ ఆలశ్యం కావడమే అంటున్నారు. తెలుస్తున్న సమాచారం మేరకు, రాజమౌళి బాహుబలి సినిమాకు సంబంధించిన స్క్రిప్ట్ పూర్తి చేసినా, సెట్టింగ్‌లు రెడీ అయి పోయినా, హీరో ప్రభాస్, విలన్ రానా‌లు ఉపయోగించే ఆయుధాల డిజైనింగ్ రాజమౌళి కోరుకున్న విధంగా తయారుకాలేదట. 

భారీ బడ్జెట్ సినిమా కావడంతో రాజమౌళి ప్రతిఒక్క విషయంలో జాగ్రత్తలు తీసుకుంటున్నాడట. అందుకే దేశవ్యాప్తంగా పేరున్న రకరకాల డిజైనర్స్ దగ్గరనుంచి ఈ ఆయుధాల డిజైన్స్ చేయి౦చి, కొన్ని నమూనాగా కూడా తయారు చేయి౦చి, వాటితో ప్రభాస్, రానాల మధ్య యుద్ధ సన్నివేశాలను ట్రైల్ షూట్ చేస్తున్నాడట రాజమౌళి.