రామ్ చరణ్ 'ఎవడు', 'తుఫాన్'లకు జులై సెంటిమెంట్

రామ్ చరణ్ 'ఎవడు', 'తుఫాన్'లను జులై సెంటిమెంట్‌తో విడుదల చేయాలని ప్లాన్ చేస్తున్నారట. అసలు చిరంజీవి ఫ్యామిలీకి జులై సెంటిమెంట్‌ వర్కవుట్‌ అవుతుందని కుటుంబ సన్నిహితులు చెబుతున్నారు. గతంలో చిరంజీవి రెండు చిత్రాలు జులైలోనే విడుదలై విజయాన్ని సాధించాయట. పవన్‌ కళ్యాణ్‌ తొలిప్రేమ, తమ్ముడు చిత్రాలు కూడా జులైలో ఘనవిజయాన్ని సాధించాయి.

ఇదంతా చిరంజీవి కుటుంబానికి సినిమాలకు ఉన్న లింకు మాత్రమే. ఇప్పుడు అది రామ్‌ చరణ్‌కి కూడా పాకింది. గతంలో రామ్‌ చరణ్‌ నటించిన చిరుత, మగధీర చిత్రాలు కూడా జులైలోనే విడదలై ఊహించని సక్సెస్‌లు ఇచ్చాయని తెలుస్తోంది. అందుకే వచ్చే నెలలో సినిమా విడుదల చేయాలనే ప్లాన్‌లో ఉన్నాడు. దిల్‌ రాజు నిర్మిస్తున్న 'ఎవడు' చిత్రం జూన్‌లో విడుదల కావాల్సి ఉంది.

కానీ కొన్ని షాట్స్‌ ఆలస్యం కావడంతో పోస్టుప్రొడక్షన్స్‌ కార్యక్రమాలు కూడా లేట్‌తో వచ్చే నెలకు వాయిదా పడింది. అయితే హిందీ 'తుఫాన్‌' కూడా జులైలోనే విడుదల కాబోతుందనే వార్తలు విన్పిస్తున్నాయి. ఏది ఏమైనా... 'ఎవడు' చిత్రాన్ని మాత్రం వచ్చేనెలలో రిలీజ్‌ చేయాల్సిందని దిల్‌ రాజుకు చెప్పినట్లు తెలిసింది. మరి ఈ సెంటిమెంట్‌ వర్కవుట్‌ అవుతుందో లేదో చూడాలి.