Sonakshisinha confirmed Tollywood entry ...

'దబాంగ్' సినిమాతో బాలీవుడ్‌కు పరిచయం అయిన సోనాక్షి సిన్హా వరుస విజయాలతో ముందుకు దూసుకుపోతుంది. ఆమె నటించిన అన్ని సినిమాలు 100 కోట్ల క్లబ్‌లో చేరడంతో ప్రస్తుతం సోనాక్షిని 100 కోట్ల ప్రిన్సెస్ అంటున్నారు. గత కొద్ది రోజుల క్రితం ఈ భామ

తెలుగులో మహేష్ సరసన నటిస్తోందని వార్తలు వచ్చాయి. ఇప్పుడీ వార్తను స్వయంగా సోనాక్షి కన్ఫర్మ్ చేసింది. క్రిష్ దర్శకత్వంలో రూపొందే 'శివం' సినిమాలో మహేష్ బాబు సరసన తాను నటించనున్నట్టు ఈ చిన్నది వెల్లడించింది.

ప్రస్తుతం మహేష్ బాబు '1-నేనొక్కడినే' సినిమా షూటింగ్‌లో బిజీగా ఉన్నాడు. ఈ సినిమా పూర్తికాగానే 'ఆగడు' సెట్స్ పైకి వెళ్తుంది. ఈ సినిమా తర్వాత 'శివం' సెట్స్ పైకి వెళ్ళే అవకాశం ఉంది. టాలీవుడ్ ప్రిన్స్, దబాంగ్ బ్యూటీతో జత కడితే ఈ జోడీ అదిరిపొద్దని మహేష్ అభిమానులు అంటున్నారు. ఈ భారీ చిత్రాన్ని అశ్వనీదత్ నిర్మిస్తారు.