TollyWood Hero Ravi Teja has expressed his Inner view

బలుపు హీరో రవితేజ తన మనసులో మాటను బయటపెట్టాడు. దర్శకుడు అవుదామని సినీ ఇండస్ట్రీకి వచ్చిన మాస్ మహారాజ హీరోగా సెటిలైపోయాడు. పూరీ జగన్నాధ్ దగ్గర కొంతకాలం అసిస్టెంట్ డైరెక్టర్‌గా పనిచేశాడు. మధ్య మధ్యలో చిన్న చిన్న పాత్రలు చేస్తూ హీరోగా ఎదిగాడు. తాజాగా రవితేజ ఓ ప్రముఖ పత్రికకి ఇచ్చిన ఇంటర్వ్యూలో తన ఫ్యూచర్ ప్లాన్ గురించి ఇలా చెప్పాడు. 'నాకు నిర్మాత అవ్వాలని అస్సలు లేదు. మనకు సెట్ కానివి ఎందుకు చెప్పండి చెయ్యడం. కానీ ఏదో ఒకరోజు డైరెక్టర్ మాత్రం అవుతాను, అది ఎప్పుడనేది తెలియదని' రవితేజ చెప్పాడు.

ఈ శుక్రవారం రవితేజ 'బలుపు' సినిమా ప్రేక్షకుల ముందుకు రానుంది. వరుస ప్లాప్‌లతో కొట్టిమిట్టాడుతున్న రవితేజ కెరీర్లో నటుడిగా ఈ సినిమా చాలా కీలకంగా మారింది. ఈ సినిమాలో రవితేజ సరసన శృతి హాసన్, అంజలి హీరోయిన్స్‌గా నటించారు. ఈ సినిమాకు గోపీచంద్ మలినేని దర్శకత్వం వహించారు.