Allari naresh another comedy entertainer Kevu keka

ఒకప్పుడు కామెడీకి కేరాఫ్ అడ్రస్ అంటే ఎవరైనా టక్కున చెప్పే పేరు ‘రాజేంద్రప్రసాద్’. ప్రస్తుతం ఆ స్థానాన్ని అల్లరి నరేష్ కొట్టేశారు. ఆయన సినిమాకెళ్తే రెండున్నర గంటల పాటు హాయిగా నవ్వుకోవచ్చని ప్రేక్షకులు ఫిక్సయిపోయారు. త్వరలో ప్రేక్షకులపై నరేష్ సంధించనున్న కామెడీ అస్త్రం ‘కెవ్వు కేక’. షర్మిలా మాండ్రే కథానాయిక. దేవిప్రసాద్ దర్శకుడు.

బొప్పన చంద్రశేఖర్ నిర్మాత. చిత్రీకరణ పూర్తి చేసుకున్న ఈ చిత్రం ప్రస్తుతం నిర్మాణానంతర పనులు జరుపుకుంటోంది. చిన్నిచరణ్, భీమ్స్ స్వరాలందించిన ఈ చిత్రం పాటలను అల్లరి నరేష్ పుట్టినరోజైన ఈ నెల 30న విడుదల చేయడానికి నిర్మాత సన్నాహాలు చేస్తున్నారు. ఈ సందర్భంగా నిర్మాత మాట్లాడుతూ -‘‘నరేష్ మార్క్‌లో సాగే పూర్తిస్థాయి వినోదాత్మక చిత్రమిది. భీమ్స్, చిన్నిచరణ్ అందించిన పాటలు ఈ చిత్రానికి హైలైట్‌గా నిలుస్తాయి’’ అన్నారు.

‘బ్లేడ్‌బాబ్జీ’ తర్వాత నరేష్‌తో తాను రూపొందిస్తున్న ఈ చిత్రం అద్భుతమైన కామెడీతో అన్ని వర్గాల ప్రేక్షకులనూ ఆకట్టుకుంటుందని దర్శకుడు చెప్పారు. అశిష్‌విద్యార్థి, చలపతిరావు, అపూర్వ, నిషా, గీతాసింగ్, కిరణ్‌రాథోడ్, సన, జ్యోతి, కవిత తదితరులు ఇతర పాత్రలు పోషిస్తున్న ఈ చిత్రానికి కథ: వేగేశ్న సతీష్, దేవిప్రసాద్, కెమెరా:ఎ.విజయ్‌కుమార్, ఎడిటింగ్: నందమూరి హరి, సమర్పణ: నీలిమ, నిర్మాణం: జాహ్నవి ప్రొడక్షన్స్. - See

Source from sakshi