Singer Anjana Sowmya Has Released Devotional Album Yesterday in Hyderabad

పముఖ గాయని అంజనాసౌమ్య పాడిన ‘భక్తితో అంజనాసౌమ్య’ భక్తిపాటల ఆల్బమ్ హైదరాబాద్‌లో విడుదలైంది. వినాయక పంచరత్నం, లక్ష్మీ స్తవం, అచ్యుతాష్టకం, శ్రీరామాష్టకం, హరి అష్టకం, మృత్యుంజయ స్తోత్రం ఈ ఆల్బమ్‌లో పొందుపరిచారు అంజన. సుప్రసిద్ధ గాయనీమణి శోభారాజ్ చేతులమీదుగా ఈ ఆల్బమ్ ఆవిష్కరణ జరిగింది. 

ఈ సందర్భంగా అంజనాసౌమ్య మాట్లాడుతూ -‘‘చిన్నతనం నుంచీ అన్నమయ్య కీర్తనలు, మీరా భజన్స్ పాడుతూ ఉండేవాణ్ణి. మా ఫిజిక్స్ మాస్టారు ‘నీ గొంతు నుంచి సంస్కృతం వినాలని ఉందమ్మా’ అని ఓ రోజు అన్నారు. అప్పట్నుంచీ ఏకాగ్రతగా నేర్చుకోవడం మొదలుపెట్టాను. మా గురువు గారైన వడలి ఫణినారాయణ ఈ ఆల్బమ్‌కు సంగీతాన్నందించారు. 

ఈ ఆల్బమ్‌కి సరైన టైటిల్ కోసం చూస్తున్న సమయంలో చంద్రబోస్‌గారు ‘భక్తితో అంజనాసౌమ్య’ అనే పేరును సూచించారు. ఈ ఆల్బమ్ అందరికీ నచ్చుతుందని ఆశిస్తున్నాను’’ అన్నారు. ఇంకా కోటి, బ్రహ్మానందం, తనికెళ్ల భరణి, అనంతశ్రీరామ్ ఈ ఆల్బమ్ విజయం సాధించాలని ఆకాంక్షించారు.